Польша ички хавфсизлик агентлиги норвегиялик террорчи Андерс Брейвик ва австралиялик оммавий қотил Брентон Таррантга ўхшаш теракт уюштиришни режалаштирган уч йигитни қўлга олди.
Бу ҳақда ижтимоий тармоқларда Польша разведка хизматларини мувофиқлаштирувчи вазир матбуот котиби Яцек Добжиньский маълум қилди.
"Ольштын шаҳрида теракт уюштиришда гумон қилинган 19 ёшли йигит қўлга олинди. Бу Ольштыне тумани прокуратураси назорати остида олиб борилаётган терговдаги учинчи айбланувчидир. Аввалроқ, ходимлар бу иш бўйича унинг икки ҳамкасбини ҳибсга олишган", - дея қайд этди у.
Текширув давомида улар интернет тармоғида ўқотар қуроллардан фойдаланиш, ўқ отиш позициялари ва очиқ майдонларда ва ёпиқ жойларда жанговар ҳаракатлар олиб бориш тўғрисида маълумотлар тўплагани, шунингдек, ўқ отиш полигонларига бориб, ҳарбий-тактик ўқув машғулотларини ўтказгани аниқланган. Улар пиротехника воситалари ва портловчи тизимлар ясаш бўйича кўрсатмалар йиғишган.
"Гумонланувчилар Андерс Брейвик, Брентон Таррант ва Тимоти Маквей каби оммавий қотилларнинг фаолиятидан илҳомланган. Уларнинг мафкураси уларни ҳайратда қолдирди", - деди Добжиньский.
Эркакларнинг икки нафарига нисбатан қамоққа олиш эҳтиёт чораси қўлланилган, учинчисига эса Ольштын туман суди томонидан қамоқ билан боғлиқ бўлмаган чора кўрилган.
Доллар курси яна кескин «қулади»
Исроил Эрон билан уруш тугаганини расман эълон қилди
Эрон Исроилни мағлубиятга учратганини маълум қилди
