Болгария жанубий қирғоғида Бургас шаҳри яқинида содир бўлган йўл-транспорт ҳодисасида олти нафар ноқонуний муҳожир ҳалок бўлди.
Бу ҳақда Болгария миллий радиоси маълум қилди.
Ахборот агентлиги маълумотларига кўра, чегара полицияси Китен шаҳридан ноқонуний муҳожирларни олиб кетаётган машинани тахминан 40 км масофада таъқиб қилган, бироқ улар Бургасга ёриб киришга муваффақ бўлган. Ҳужжатсиз муҳожирлар йўл тўсиғидан ўтишга уринган, бироқ уларнинг машинаси ағдарилиб, кўлга тушиб кетган.
Воқеа жойида олти киши ҳалок бўлди, жароҳатланган уч киши касалхонага ётқизилди, Руминия фуқароси бўлган ҳайдовчи жабрланмаган ва ҳозирда полиция ҳибсхонасида.
Воқеа ҳақида бошқа тафсилотлар келтирилмаган.
Боғча мудираси иштирокидаги жанжалли вазият юзасидан қарор қабул қилинди (ВИДЕО)
Ким Чен Иннинг саломатлигига доир айрим маълумотлар ошкор қилинди
Россия активларининг Украина фойдасига мусодара қилинишига қарши чиққан ЕИ давлатлари номлари эълон қилинди
