Покистон Ташқи ишлар вазирлиги 27 февраль куни Афғонистон расмийларини мамлакат ҳудудида фаолият юритаётган террорчи гуруҳлар жавобгарлигини таъминлашга чақирди.
Исломобод баёнотида Афғонистондан келиб чиқадиган террорчилик таҳдидини бартараф этишга содиқлиги яна бир бор тасдиқланди. Шунингдек, Кобул расмийлари мамлакатда фаол бўлган «Фитна ал-Хавориж» ва «Фитна ал-Ҳиндустон» гуруҳларига нисбатан жазосизлик амалиётига чек қўйиши лозимлиги таъкидланди.
«Фитна ал-Ҳиндустон» атамаси Покистон томонидан Балужистондаги террорчи гуруҳларга нисбатан қўлланади. «Фитна ал-Хавориж» эса илгари «Теҳрик-и Толибон Покистон» номи билан танилган тузилмага ишора қилади.
Маълумотларга кўра, Афғонистон баҳсли Дуранд чизиғи бўйлаб Покистон кучларига қарши кенг кўламли ҳарбий амалиёт бошлаган. Кобул бу ҳаракатни Покистоннинг яқиндаги ҳаво зарбаларига жавоб деб атаган. Исломобод эса жавоб ўқи отилганини тасдиқлаб, мудофаа вазири Толибон ҳукуматига қарши «очиқ уруш» бошланганини маълум қилди.
Тожикистонда “тахт” транзитига тайёргарлик бошландими?
АҚШда “асрнинг энг ижобий бурилиши” юз берди
Петербургда болани қутқарган ўзбекистонлик яна бир мукофотга сазовор бўлди
