Покистон Ташқи ишлар вазири Исҳоқ Дар жума куни Исломобод Афғонистон билан муносабатларни яхшилашга ва Кобулга элчи тайинлашга қарор қилганини айтди.
Бу ҳақда у ўзининг “Х” саҳифасида ёзди.
"19-май куни Покистон делегацияси билан Кобулга қилган самарали ташрифимдан сўнг Покистон-Афғонистон муносабатлари ижобий йўналишда кетмоқда. Бу суръатни сақлаб қолиш учун Покистон ҳукуматининг Кобулдаги муваққат ишлар вакилини элчи лавозимига кўтариш ҳақидаги қарорини эълон қилишдан мамнунман", деб ёзади у.
