Пезешкиан: "Яқин Шарқдаги уруш на Эрон, на АҚШ манфаатларига мос келмайди"

Яқин Шарқдаги яна бир урушдан на АҚШ, на Эрон ҳеч нарсага эга бўлмайди ва бу бутун минтақани беқарорлаштиради.

Ислом Республикаси Президенти Масуд Пезешкиан бу ҳақда мисрлик ҳамкасби Абдул Фаттоҳ ас-Сиси билан телефон орқали суҳбатлашганида маълум қилган.

"Эрон Ислом Республикаси ҳеч қандай урушни истамаган ва хоҳламайди ҳам, уруш Эрон, Қўшма Штатлар ёки минтақа манфаатларига мос келмаслигига чуқур ишонади", деб таъкидлади у.

Пезешкиан шунингдек, Вашингтон Теҳронни таҳдид ва куч орқали музокара қилишга мажбурлашнинг иложи йўқлигини англаганига умид билдирди. "Эрон Ислом Республикаси ҳудудига қилинган ҳар қандай тажовуз ёки ҳужумга қатъий ва ваколатли жавоб берилиши аниқ, аммо Эрон дипломатик ечимларни излашда давом этмоқда", деб қўшимча қилди у.