Перунинг собиқ президенти Алберто Фухимори 86 ёшида вафот этди. Бу ҳақда унинг қизи Кейко Фухимори Х ижтимоий тармоғидаги саҳифасида маълум қилди .
Перунинг собиқ раҳбари саратон касаллиги билан узоқ давом этган курашдан сўнг вафот этди. «Уни қадрлаганлардан руҳининг абадий ором топиши учун ибодатда биз билан бирга бўлишларини сўраймиз. Катта раҳмат, дада!» — деб ёзди сиёсатчининг қизи.
Фухимори 1990 йилдан 2000 йилгача Перу президенти бўлган, шундан сўнг у 15 йилдан ортиқ қамоқда ўтирган. У ҳокимиятни суиистеъмол қилиш, коррупция ва инсониятга қарши жиноятларда айбдор деб топилди. Сиёсатчи 2023 йилда касаллик туфайли гуманитар сабабларга кўра озод этилган эди.