Перу парламенти мамлакат президенти Педро Кастильога импичмент эълон қилди

Бир неча соат олдин Кастильо парламентни тарқатиб юбориши ва мамлакатда комендантлик соати жорий этишини эълон қилди.

"Қуйидаги чоралар жорий этилмоқда: фавқулодда вазият доирасида Конгрессни вақтинча тарқатиб юбориш ва ҳукуматни тайинлаш. Иложи борича тезроқ янги Конституция лойиҳасини ишлаб чиқиш учун таъсис ваколатига эга бўлган янги конгрессга сайлов санасини тўққиз ойдан кўп бўлмаган муддатда белгилаш", — дея маълум қилган эди Кастильо.

Бироқ, парламент президентга импичмент эълон қилди. Конгресс раҳбари фуқароларни президентга бўйсунмасликка чақирди, ТИВ раҳбари эса Кастильонинг ҳаракатини давлат тўнтариши деб атади.