Қўшма Штатларнинг янги миллий мудофаа стратегиясида Хитойни тийиб туриш ва ўз ҳудудини ҳимоя қилиш устувор йўналиш сифатида белгиланган.
Стратегияда қайд этилишича, Россия NATO'нинг шарқий аъзолари учун “доимий, лекин назорат қилинадиган таҳдид” бўлиб қолади. Mамлакат катта ҳарбий ва саноат захираларга эга бўлиб, чегараларида узоқ давом этадиган уруш олиб боришга тайёрлигини намойиш қилмоқда.
Пентагоннинг таъкидлашича, NATO иттифоқчилари Россиядан сезиларли даражада кучли. Жумладан, Германия иқтисодиёти Россия иқтисодиётидан устун. Шу боис иттифоқчилар Европанинг мудофаасини тўлиқ зиммасига олади, АҚШ эса фақат қўллаб-қувватлаш билан чекланади.
Вашингтон NATO'да асосий ролини давом эттиради, ўз қўшинларининг жойлашуви ва ҳаракатларини Россия таҳдидини ҳисобга олган ҳолда мослаштиради. NATO иттифоқчилари эса Украинани мудофаа қилишда етакчиликни ўз зиммасига олади, стратегияда бу Европанинг жавобгарлиги сифатида белгиланган.
Шунингдек, Гренландия, Панама канали ва Арктика АҚШ манфаатлари учун асосий стратегик тугунлар сифатида кўрсатилган.
Шу билан бирга, Пентагон Эрон режими кучайишда давом этаётганини, яна ядровий қуролга эга бўлишга интилиши мумкинлигини ва бу АҚШ, Исроил ҳамда минтақавий барқарорлик учун таҳдид солишини қайд этган.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Ҳафтанинг иккинчи ярмида ҳаво ҳарорати -13° гача тушади
