Педагогик йўналишда сиртқи ўқиш учун стаж керакми?

Педагогика йўналишидаги сиртқи таълимга оид янгиликни 3 га бўлиш мумкин.

• Ситрқига қабул бутунлай тўхтатилган 14 та йўналиш;
• 5 йил стаж талаб қилинадиган 5 та йўналиш;
• Исталган абитуриент ҳужжат топшира оладиган қолган йўналишлар.

Президент қарорига мувофиқ, 2023/2024-ўқув йили қабулидан бошлаб педагогик кадрлар тайёрловчи ОТМларнинг 14 та таълим йўналишлари бўйича сиртқи таълим шаклига қабул амалга оширилмайди.

Давлат комиссиясининг тегишли баёни билан сиртқи таълим шаклига камида 5 йил стаж билан ҳужжат топшириш мумкин бўлган йўналишлар тасдиқланди. Булар:

🔹 бошланғич таълим;

🔹 тасвирий санъат ва муҳандислик графикаси;

🔹 мусиқа таълими;

🔹 жисмоний маданият;

🔹 технологик таълим.

Яъни мана шу 5 та йўналишга 5 йил педстажга эга бўлган абитуриентлар ҳужжат топшира олади, жадвалдаги 14 та таълим шаклига эса стажидан қатъи назар сиртқи қабул бутунлай тўхтатилган.

Бошқа таълим йўналишлари учун эса 5 йил иш стаж талаб этилмайди ва уларга исталган абитуриент онлайн рўйхатдан ўта олади. Педагогик йўналишларни тўлиқлигича сиртқи таълим квотасидан кўриш мумкин.