Озарбайжон ва Арманистон дипломатик каналлар орқали тинчлик битимини имзолаш масаласида маслаҳатлашувлар олиб бормоқда. Бу ҳақда Арманистон Хавфсизлик кенгаши котиби Армен Григорян маълум қилди.
💬 “Биз ҳозирда Озарбайжон билан дипломатик каналлар орқали тинчлик шартномасини имзолаш бўйича маслаҳатлашувлар олиб бормоқдамиз”, деди у журналистларга.
Унинг сўзларига кўра, ҳужжат матни аллақачон якуний келишиб олинган. "Буни имзолаш қолди", деди Григорян.
У, шунингдек, Арманистон томони Озарбайжон билан тинчлик шартномаси имзоланган куни ЕХҲТ Минск гуруҳини тарқатиб юбориш ҳақидаги баёнотни имзолашга тайёрлигини билдирди.
Аввалроқ Арманистон бош вазири Никол Пашинян, агар мамлакат Конституциявий суди Озарбайжон билан тузилган тинчлик битимини маъқулламаса, Конституцияга ўзгартириш киритиш ташаббуси билан чиқишга тайёрлигини маълум қилганди.
"Бу тинчлик жараёни ва тинчлик шартномасини бой бермаслик керак. Биз жамоатчиликни барқарор ва узоқ муддатли тинчликка эришиш учун бу ўзгаришларни амалга оширишга ишонтиришга ҳаракат қиламиз", деди Пашинян душанба куни Ереван мулоқоти форумида.
"Тинчлик шартномаси имзоланиши керак ва бу бизнинг асосий хабаримиз", - дея қўшимча қилди у.
Россия Маскка бошпана берадими?
Россия аэродромларига ҳужум қилган дронларни ташиган юк машиналари ҳайдовчиларининг ҳеч нимадан хабари бўлмаган
"New York Times": "Ўзбекистон бундай тарихий натижани қўлга киритган учинчи мамлакат бўлди"
