Венгрия бош вазири Виктор Орбан Украинадаги мажбурий сафарбарлик масаласи Брюссел кун тартибига чиқарилишини маълум қилди. Бу ҳақда Риа новости хабар берди.
Орбаннинг таъкидлашича, Будапешт Закарпатияда яшовчи венгрларни Украина Қуролли Кучларига мажбуран жалб этилишини қабул қила олмайди. Венгрия расмийлари бу масаладан Закарпатиядан чиққан бир венгр мажбурий сафарбарлик қурбони бўлганидан сўнг жиддий хавотир билдирган.
Венгрия ташқи ишлар вазири Петер Сийярто Украинадаги мажбурий сафарбарликни “одам овлаш”га қиёслади. Унинг айтишича, шу сабабли мажбурий сафарбарлик учун масъул бўлган уч нафар украиналик ҳарбий қўмондоннинг Венгрия ва бутун Шенген ҳудудига кириши тақиқланган.
Сомбатхей шаҳридаги сайловолди тадбирида Орбан, шунингдек, Закарпатиядаги барча венгр оилаларига фронтда ёки сафарбарлик оқибатида яқинларини йўқотганларга ёрдам кўрсатилишини ваъда қилди.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
