Олимпиадада аргентиналик футболчини тунаб кетишди

Францияда бўлиб ўтаётган Олимпиада ўйинлари вақтида аргентиналик футболчидан 50 минг евро ўғирлаб кетилди.

Эслатиб ўтамиз, Аргентина олимпия терма жамоаси бош мураббийи Хавьер Маскерано Марокаш билан ўйиндан сўнг (1:2) Тиаго Альмада талон-тарож қилинганини айтганди.

BFM TV хабарига кўра, футболчидан умумий қиймати 50 минг евролик тақинчоқлар ўғирланган. Кийиниш хонасидан буюмлар ўғирланган. Қайд этилишича, воқеа жойида бостириб кириш белгилари йўқ.

Яқин орада “Ботафого” ярим ҳимоячиси етказилган зарар миқдорини тасдиқловчи шикоят аризаси билан мурожаат қилади.