Олимлар озиш учун энг яхши парҳезни аниқлашди

Альберта университети мутахассислари озиш учун энг яхши парҳез оқсил миқдори кўп бўлган парҳез эканлигини аниқлашди.

Бу ҳақда “American Journal of Clinical Nutrition” журналида маълум қилинди.

Унга кўра, изланиш давомида олимлар 43 та кўнгиллидаги моддалар алмашинуви кўрсаткичларини ўрганишган. Биринчи гуруҳ кунлик калория миқдорини юқори протеинли коктейллардан, иккинчиси эса одатдаги озиқ-овқат маҳсулотларидан олишган.

Маълум бўлишича, биринчи гуруҳ иштирокчилари кўпроқ килокалориядан қутилишган.

Тадқиқот муаллифлари буни оқсилнинг моддалар алмашинувини тезлаштириши билан изоҳлашмоқда.