Nvidia директорлар кенгаши компания раҳбари Женсен Хуангнинг Хитой разведкаси билан эҳтимолий алоқалари юзасидан мустақил текширув бошлади. Бу ҳақда The New York Times хабар берди.
Маълумотларга кўра, Хуанг хитойлик тадбиркор аёл Элис Хуан билан интим муносабатда бўлганини тан олган. АҚШ махсус хизматлари аёлни Хитой разведкаси билан ҳамкорлик қилганликда гумон қилмоқда.
Хуанг ходимларга мурожаатида рафиқасига хиёнат қилганини тан олиб, қилмишлари учун “тўлиқ жавобгарликни”ўз зиммасига олишини билдирган.
Элис Хуан Nvidia’нинг йирик мижозларидан бири бўлган Сингапурнинг Megaspeed компаниясида раҳбарлик лавозимида ишлаган. Компания 2024 йил июнь ойидан буён Nvidia’дан 4,8 миллиард долларлик чиплар харид қилган.
Директорлар кенгаши ҳозирча компания сирлари ошкор этилгани ёки АҚШ миллий хавфсизлигига таҳдид юзага келгани ҳақида далиллар йўқлигини маълум қилган.
Ўзбекистонда кескин совуқ ва кучли ёғингарчилик кутилмоқда
Эркинжон Турдимов бешта ректорни ишдан бўшатди
Актриса Нилуфар Ҳамидова 7 суткага қамалди
