Қозоғистоннинг биринчи президенти Нурсултон Назарбоев Элбоши – Миллат етакчиси бўлиб қолади.
Қозоғистон халқи ассамблеяси, Хавфсизлик кенгаши ва «Нур Отан» партиясига раислик амалдаги президент Қосим-Жомарт Тоқаевга ўтди. «Биринчи Президент тўғрисида»ги қонун 2000 йилда қабул қилинган. У Элбоши ва унинг оиласи тўлиқ дахлсизлигини кафолатлайди.
Назарбоев ва унинг оиласи учун қуйидаги имтиёзлар сақланиб қолади:
— биринчи президент ҳибсга олиниши, тинтув қилиниши, сўроққа чақирилиши ва қамоққа олиниши мумкин эмас;
— Назарбоев ва у билан бирга яшайдиган оила аъзоларига тегишли барча мулк дахлсиз;
— Элбоши банк ҳисобварақлари дахлсиз;
— Назарбоев ва унинг оиласи умрбод ҳимояда, Элбошининг ҳаёти ва соғлиғи давлат томонидан мажбурий суғурта қилинади;
— Назарбоев пенсия олади (президентнинг ойлик маошининг 80 фоизи). Назарбоевлар оиласининг у билан бирга яшаган ҳар бир аъзосига ойлик нафақа тайинланади.