Оммабоп Topskills Sports UK Х-аккаунти Ўзбекистон терма жамоаси ва «Манчестер Сити» ҳимоячиси Абдуқодир Ҳусановнинг эришаётган ютуқларини юқори баҳолади.
«Тасаввур қилинг, сиз футбол ҳали ривожланаётган мамлакат — Ўзбекистондансиз. Ўз ватанингизда атиги бир мавсум профессионал даражада тўп суриб, 19 ёшингизда Лига 1 вакили "Ланс"га ўтдингиз.
Сўнгра, инглиз тилида бирорта сўз билмасдан туриб, "Манчестер Сити" билан шартнома имзоладингиз ва Пеп Гвардиоланинг ўта талабчан услубига зудлик билан мослашишга мажбур бўлдингиз.
Абдуқодир Ҳусанов "Уэмбли"да ўтган Англия лига Кубоги финалида асосий таркибда майдонга тушди, жамоаси дарвозаси дахлсизлигини сақлаб қолди, майдондаги энг яхши ўйинчилардан бири бўлди ва Виктор Дьёкерешни бутунлай зарарсизлантирди.
Ва буларнинг барчаси уч йилдан камроқ вақт ичида содир бўлди. Ақл бовар қилмас парвоз», — дейилади нашр хабарида.
Эслатиб ўтамиз, Англия лига Кубоги финалида «Манчестер Сити» Лондоннинг «Арсенал» жамоасини 2:0 ҳисобида мағлуб этди. Ушбу соврин Абдуқодир Ҳусанов учун «шаҳарликлар» сафидаги биринчи титил бўлди.
Эрлинг Холанд ўзига янги жамоа танлади
Ҳусановнинг финалдаги ўйини қандай баҳоланди?
Goal «Олтин тўп — 2026» учун асосий даъвогарлар рўйхатини янгилади
