Куни кеча Навоий шаҳридаги Бунёдкорлар кўчасида жойлашган хонадонларда ёнғин содир бўлган. Ёнғин чиққан 8/5А уйда 1949 йилда туғилган 1-гурух ногирони Н.Р, 8/4А уйда 1958 йилда туғилган 2-гуруҳ ногирони А.Х. ва 1981 йилда туғилган 1-гуруҳ ногирони С.Х.лар истиқомат қилган.
Навоий вилояти Ички ишлар бошқармаси Ёнғин хавфсизлиги бошқармаси Куч ва воситаларни бошқариш ва мувофиқлаштириш марказига ёнғин хавфсизлиги хизматининг бўлинмлари ёнғин ҳақида хабар келиб тушгач 5 дақиқада етиб борган.
Кўрилган чора ва тезкор ҳаракатлар натижасида ёнғин зудлик билан ўчирилган. Ногирон шахслар ёнғин ўчирувчилари томонидан тезкорлик билан қутқарилгани сабабли тан жароҳати олганлар ва ҳалок бўлганлар йўқ.
Ёнғинга тўртта ёнғин ўчириш экипажи жалб этилган. Ёнғин оқибатида 8/4А уйнинг 30 кв.метр майдонда томи, шифти ва уй-жиҳозлари ҳамда 8/5А-уйнинг 20 кв.метр майдонда ва 6А-уйнинг 18 кв.метр майдонда том қисми ёниб зараланган.
Ёнғин сабаби аниқланмоқда ва ушбу ҳолат юзасидан терговга қадар текширув олиб борилмоқда.
Manba: uza. uz
"Ўзбекистон фуқароларининг Россияга киритилмаётганлиги" бўйича постлар юзасидан расмий маълумот берилди
Аввал сувга итаришди, кейин қайиқни тешишди: Тошкент вилоятида инспекторларнинг ҳаётига суиқасд қилинди
Бахмал ва Зоминдаги тоғ ҳамда қир-адирликларга кириш пулли бўлди(ми)?
