Нобел мукофотининг 77 нафар лауреати томонидан имзоланган мурожаатда таъкидланишича, АҚШнинг сайланган президенти Дональд Трамп томонидан бу лавозимга номзод қилиб кўрсатилган Кеннеди тиббиёт, илм-фан ёки бошқарув соҳаларида на тажрибага, на малакага эга.
Олимлар шунингдек, Кеннедини "АҚШдаги эмлашга қарши энг машҳур шахс" деб аташди ҳамда унинг ОИТС ва бошқа касалликларни даволаш усуллари ҳақида фитна назарияларини тарқатишини эслатишди.
Трамп кичик Кеннедини Соғлиқни сақлаш вазирлиги раҳбари лавозимига номзод сифатида кўрсатиб, "у сурункали касалликлар эпидемиясини тугатишга ва Американи яна буюк ва соғлом қилишга қодир" деб таъкидлаган эди.
Кичик Кеннедининг номзоди Сенат томонидан тасдиқланиши керак, Демократик партия эса аллақачон бунга қаршилигини эълон қилган.
Украина душман учун «Жаҳаннам» тайёрлади
Қўшма Штатлар Россияга қарши баёнот билан чиқди
Талабаларга Янги йил байрамини нишонлаш тақиқланди
