Арманистон Бош вазири парламентда сўзга чиқиб, мамлакат Коллектив Хавфсизлик Шартномаси Ташкилоти (КХШТ) доирасида қабул қилинаётган ҳужжатларга қизиқмаслигини айтди. У Арманистоннинг ташкилотга қайтиши борган сари қийинлашиб, ҳатто имконсиз бўлиб бораётганини таъкидлади.
"КХШТ фаолиятида иштирокимизни музлатганимизни айтдик, бу эса биз ҳеч қандай ҳужжатни муҳокама қилишда қатнашмаймиз дегани. Биз ҳеч қандай ҳужжатга вето қўймаймиз, чунки, аслида, ўзимизни КХШТдан ташқарида деб ҳисоблаймиз. Нима қилишса, ўзлари билишади. Бу ҳолат Арманистоннинг КХШТга қайтишини борган сари қийин, ҳатто имконсиз қилиб қўймоқда. Ўйлайманки, биз қайтмас нуқтадан ўтдик", — деди Пашинян.
Феврал ойида Никол Пашинян Арманистон КХШТдаги иштирокини "музлатгани"ни эълон қилган эди. Июн ойида у, агар Беларус КХШТни тарк этса, мамлакат ташкилотга қайтиши мумкинлигини билдирган эди.
Politico нашрининг ёзишича, Арманистоннинг КХШТдаги иштирокини музлатиш қарорига Беларуснинг Тоғли Қорабоғ уруши пайтида Озарбайжонга қурол етказгани таъсир кўрсатган.
Қозоғистон Россия, Хитой, Туркия ва Марказий Осиё давлатларини ортда қолдирди
Россия Бош штаби раҳбари АҚШ кемаларига хавфсиз масофага чекинишни таклиф қилди
Украина бешта шаҳарни йўқотиш хавфи остида
