Исроил Бош вазири Беньямин Нетаньяху Эрон ўзининг ҳарбий дастурларига қарийб 1 триллион доллар сарфлаганини даъво қилди.
Исроил телевидениесида намойиш этилган халққа қилган мурожаатида Нетаньяху яна бир бор Теҳрон атайлаб Исроилни йўқ қилишга, “Яқин Шарқни эгаллаб олишга ва бутун дунёга таҳдид солишга” ҳаракат қилаётгани ҳақидаги назарияни такрорлади.
Нетаньяхунинг таъкидлашича, шу мақсадда Ислом Республикаси қаттиқ санкцияларни енгиб ўтиб, ядровий ва ракета дастурларини ривожлантиришга катта маблағ сарфлаган.
"Энди сизга шуни айтмоқчиманки, йиллар давомида буларнинг барчаси Эронга қарийб 1 триллион долларга тушди. Ва энди айтишимиз мумкин: триллион доллар беҳуда сарфланди”, деб таъкидлади Исроил Бош вазири.