NASA Қуёшга "тегадиган" Parker зондини юборди

NASA Parker зондини Қуёшга юборди. Бу Қуёшга "тегадиган" биринчи космик кема бўлади

12 август куни NASA космик агентлиги коинотга Parker зондини Қуёшга етказиши керак бўлган Delta IV Heavy ракетасини учирди. Ҳажми кичик автомобилдек бўлган қурилма 1950 йилларда дунёда биринчилардан бўлиб қуёш шамолини – қуёшдан доимий равишда чиқариладиган зарядланган зарралар оқимини тасвирлаган астрофизик Евгений Паркер номи билан аталган.

NASA Parker қуёш зондини қуёшга "тегадиган" биринчи космик кема сифатида таърифламоқда. Олимларнинг режасига кўра, етти йилга мўлжалланган миссия давомида зонд юлдуз атрофида 24 марта айланиб, унга рекорд масофада 6,1 миллион километр яқинлашади; ҳозирда рекорд 1976 йилда Қуёшдан 43,4 миллион километр узоқликда учган немис-америка ҳамкорлигидаги Helios-2 зондига тегишли. Ернинг Қуёшдан ўртача масофаси 149,6 миллион километрни ташкил қилади.

Parker қуёш зонди юлдузнинг юқори атмосфераси бўлган қуёш тожига кирган биринчи космик кема бўлди. Проб эриши олдини олиш учун у 11 см қалинликдаги CFRP экран билан ҳимояланган бўлиб, тахминан 1300 даража ҳарорат учун мўлжалланган; автоном датчик тизими пробнинг ҳимояланган томонидан қуёшга бурилишини таъминлайди. Зонд яратувчилари, Jons Hopkins университети амалий физика лабораторияси ходимларининг сўзларига кўра, илгари космик аппаратлар Қуёшга яқинлаша олмаган, чунки технология уларни етарли даражада иссиқлик муҳофазаси билан таъминлашга имкон бўлмаган.