Исландия пойтахти жанубида вулқон отилиб, оловли лава ва тутун ҳавога тарқалди. Натижада сайёҳлар ва аҳолини эвакуация қилишга тўғри келган. Бу ҳақда "Arab News" хабар берди.
Муз ва олов мамлакати сифатида тан олинадиган Шимолий Атлантика орол давлатида ҳаракатсиз геологик тизим тахминан 800 йилдан кейин қайта фаоллашиб, 2021 йилдан буён Рейкьявик жанубида 11 марта вулқон отилиши кузатилган.
Олов Гриндавик балиқчилар шаҳарчаси яқинидаги ҳимоя тўсиғини босиб ўтиб, одамларни кўчиришга мажбур қилди. Кўпчилик уйлар бир йилдан кўпроқ вақт давомида бўш эди.
– Ҳозир лава хонадонларгача етиб борган, бироқ оқим кучли эмас, – дейди Шимолий вулқоншунослик маркази раҳбари Рикке Педерсен.
Фавқулодда хизматлар яқин атрофдаги ҳашаматли "Blue Lagoon" курорти ҳудудида ҳам эвакуация эълон қилишди.
Маҳаллий мутахассислар тахминига кўра, вулқоннинг бир туйнукдан эмас, балки ер қобиғидаги узун ёриқдан оқиб чиқадиган, лава отилиши билан тавсифланадиган бу тури ўнлаб йиллар, ҳатто асрлар давомида такрорланиши мумкин.
Тахминан 400 000 киши истиқомат қиладиган Исландия ўзига хос табиати, жумладан иссиқ булоқлари, вулқонлари туфайли йил давомида минглаб сайёҳларни жалб қилади.
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
🔴 БАА судидан шов-шувли қарор: ўзбекистонликлар ўлимга ҳукм қилинди!
АҚШ мудофаа вазирининг қўлида арабча ёзилган татуировка борми?
