"Ливерпуль" ҳужумчиси Муҳаммад Салоҳ Европа чемпионлар лигасининг финал бўладиган куни ҳам ўзининг рўзасини бузмайди. Бу ҳақда Мисрнинг "Ал-Масрий ал-Юм" нашрига асосланиб stadion.uz хабар тарқатди.
Мисрлик футболчи ҳозирда барча мусулмонлар каби Рамазон ойи рўзасини тутмоқда ва машғулотларда фаол иштирок этмоқда.
Келиб чиқиши сомалилик бўлган, британиялик енгил атлетикачи Муҳаммад Фараҳ Лондон-2012даги олимпиадада олтин медалларни қўлга киритиш учун рўза тутмаганди. Салоҳнинг айтишича, у "Реал"га қарши бўладиган ўйин куни ҳам рўзадор бўлади.
26 май куни Киевда ифторлик вақти финал ўйини бошланишига тахминан 1 соат қолганда киради.
