🛡Давлат хавфсизлик хизматининг Тошкент шаҳар бўйича бошқармаси ҳамда Иқтисодий жиноятларга қарши курашиш департаменти ҳамкорлигида ўтказилган тезкор тадбирда пойтахтда фаолият юритувчи, тиббий реагентлар савдоси билан шуғулланувчи МЧЖ раҳбари яроқлилик муддати ўтган, қиймати 32 млн сўмлик лаборатория текшируви учун мўлжалланган 20 дона реагентларни 16 млн сўмга сотган вақтида ашёвий далиллар билан ушланди.
💊Шунингдек, Тошкент шаҳри ва вилоятида жойлашган унга тегишли 2 та омборхона “Фармацевтика маҳсулотлари хавфсизлик маркази” давлат муассасаси ходимларини жалб қилган ҳолда кўздан кечирилганда, уларда умумий қиймати 2 млрд сўмга яқин бўлган, 216 турдаги 1414 қути яроқлилик муддати ўтган ҳамда хориждан олиб келинган ва тегишли тартибда рўйхатдан ўтказилмаган 28 турдаги 322 қути (контрафакт) маҳсулотлар мавжудлиги аниқланди.
📌Таъкидлаш лозимки, сифатсиз реагентларнинг ишлатилиши келгусида беморларга нотўғри ташхис қўйиш орқали муолажа қилиш билан боғлиқ салбий оқибатларни келтириб чиқариши мумкин.
🕵️♂️Ҳозирда тиббий воситалар бўйича тегишли тартибда экспертиза тайинланиб, терговга қадар текширув ишлари олиб борилмоқда.
Имомали Раҳмон вафот этди(ми)?
Ер юзидаги совуқлик рекорди қайд этилди
Олим Ер аҳолисини «жаҳаннам иқлими»дан огоҳлантирди
