Мозамбикда Идай тропик циклони сабаби юз берган сув тошқинлари оқибатида ҳалок бўлганлар сони 417 кишига етди. Бу ҳақда Мозамбик ер ресурслари, атроф-муҳит ва қишлоқни ривожлантириш вазири Селсо Коррейя маълум қилди. Вазирнинг қайд этишича, мамлакатдаги вазият оғирлигича қолмоқда.
Сув тошқинлари сабаб ҳозирга қадар 600 минг киши бошпанасидан маҳрум бўлган. Жаҳон озиқ-овқат дастури (WFT) гуманитар ташкилоти куни кеча, 22 март куни Мозамбикда фавқулодда ҳолатнинг энг юқори учинчи даражасини эълон қилди.
Идай циклони Мозамбик ҳамда унга қўшни Малави ва Зимбабвега ўтган ҳафта ёпирилган эди. Африка қитъасининг жанубий қисмида кучли ёғингарчилик тўхтамаяпти. Сўнгги маълумотларга кўра, ноқулай об-ҳаво шароити туфайли Зимбабведа 259 киши ҳалок бўлган.
Manba: daryo.uz
Аriston компанияси миллийлаштирилгач, Россия элчиси Италия ТИВга чақиртирилди
ЕЧЛ. Ярим финал. "Бавария" "Реал" билан жанговар дуранг қайд этди
Оқ уй Байденнинг чиқишларини қисқартиради
