Россия Тергов қўмитаси хабарига кўра, Москванинг Волоколамское шоссесида жойлашган тураржой биносида номаълум шахс Россия Қуролли кучлари Бош штаби Ҳарбий разведка бош бошқармасининг биринчи ўринбосари, генерал-лейтенант Владимир Алексеевга бир неча марта ўқ узиб, қочиб кетган. Жабрланувчи шифохонага етказилган.
Айни пайтда гумонланувчини қидириш ишлари олиб борилмоқда, видеокузатув ёзувлари ўрганилмоқда.
Генерал-лейтенант тажовуздан сўнг шифохонага ётқизилган. Оммавий ахборот воситалари Алеексеевнинг аҳволи оғир эканини, шифокорлар унинг ҳаётини сақлаб қолишга ҳаракат қилаётганини билдирди.
Генерал, шунингдек, “Вагнерчилар қўзғолони” пайтида ушбу хусусий ҳарбий компания етакчиси Пригожинга мурожаат қилгани ва Ростовда унинг ёнида бўлгани билан ҳам омма эътиборига тушган.
Илон Маск Россия дронларига Starlink сунъий йўлдош алоқасидан фойдаланишини чеклади — The Insider
Си Жинпин Хитой Халқ Озодлик Армияси устидан тўлиқ назоратни қўлга киритди
Тошкентда банк бўлими бошлиғи $120 минг кредит пулларини қиморга тикиб юборди
