Мия сунъий интеллект ва одамларнинг овозларини ажрата олди

Осло университети тадқиқотчилари инсон мияси ҳақиқий ва синтез қилинган овозларни ажрата олишини аниқлади. Европа неврология жамиятлари федерацияси Federation of European Neuroscience Societies 2024 (FENS) форумида тақдим этилган тадқиқот натижалари шуни кўрсатадики, одамлар сунъий интеллект томонидан яратилган нутқни эшитиш орқали “онгли равишда” аниқлашда қийналсалар-да, мия бундай овозларни тўғри қабул қилади.

Тадқиқотда 43 иштирокчи бетарафлик, ғазаб, қўрқув, бахт ва завқ каби турли хил ҳис-туйғуларни ифодаловчи инсон ва СИ томонидан яратилган нутқ ёзувларини тинглади. МРТ ёрдамида олимлар миянинг жавобини кузатдилар.

Иштирокчилар инсон нутқини 56 фоиз ва СИ нутқини 50,5 фоиз ҳолларда тўғри аниқлаган. Мия инсон овозлари хотира ва эмпатия билан боғлиқ соҳаларда кучлироқ жавобларни уйғотди, СИ овозлари эса хатоларни аниқлаш ва диққатни тартибга солиш билан боғлиқ соҳаларни фаоллаштирди.

Бу натижалар шуни кўрсатадики, инсон овозлари сунъий интеллект овозларидан фарқли ўлароқ, танишлик ва алоқа туйғусини уйғотади ва миянинг ҳақиқий ва сунъий нутқни фарқлаш учун нозик, аммо муҳим қобилиятини таъкидлайди, деб ёзади олимлар.