Миср миллий терма жамоаси бош мураббийи Ҳоссам Ҳассан Жаҳон чемпионати 1/8 финалида Аргентинага 2:3 ҳисобида мағлуб бўлганидан сўнг ҳакамликни кескин танқид қилди.
Миср жамоаси учрашувнинг 79-дақиқасигача 2:0 ҳисобида олдинда бораётган эди. Бироқ шундан кейин учта гол ўтказиб юбориб, мусобақани тарк этди.
Ўйиндан кейин Ҳассан жамоаси «адолатсизлик қурбони бўлганини» ва кейинги босқичга чиқишга муносиб бўлганини таъкидлади.
«Биз амалдаги жаҳон чемпионларидан кучлироқ эдик. Барча жиҳатда устунлик қилдик. Аммо натижага майдондаги ва майдон ташқарисидаги воқеалар таъсир қилди», — деди у.
Мураббий, шунингдек, ФИФАни Аргентина терма жамоасини мусобақада сақлаб қолишга интилаётганликда айблади.
«Ҳаммаси пул билан боғлиқ. Улар Мессининг турнирда қолишини хоҳлайди. Футболда турли манфаатлар сабабли кўп нарса майдон ташқарисида ҳал бўлади. Бўлган воқеа адолатсизлик эди. Миср кейинги босқичга чиқишга муносиб эди», — деди Ҳассан.
Унинг айтишича, Миср футбол федерацияси ўйиндан аввал француз ҳаками Франсуа Летексьени тайинлашга қарши чиққан. Шунингдек, у VAR орқали бекор қилинган гол ва учрашув охиридаги баҳсли вазиятлардан бири видеотакрор орқали кўриб чиқилмаганидан ҳам норози бўлган.
Учрашувдан кейин Ҳассан Жаҳон чемпионати ўйинларини бошқа томоша қилмаслигини ҳам маълум қилди.
ФИФА АҚШ терма жамоаси ҳужумчиси борасида бутун дунёга шарманда бўлди
АҚШ Эрон мактабига зарба берди
Қозоғистон Россиядан келиб бакига бензин тўлдириб кетувчилар сони ошгани сабаб транспорт воситаларининг чегарадан ўтишига чекловлар қўйди
