Мерц: "Германия Европа гегемонлиги учун курашмайди"

Германия канцлери Фридрих Мерц ўз мамлакати мудофаа қобилиятини мустаҳкамлашга қаратилган саъй-ҳаракатларга қарамай, энди Европада гегемонияга интилмаслигига ишонтирди.

Мерц бу баёнотни Мюнхен хавфсизлик конференциясида маълум қилди.

"Мен тез-тез Бундесверни иложи борича тезроқ Европадаги энг кучли анъанавий армияга айлантирамиз, деб айтганман”, деди у.

Шу билан бирга, Мерц “Европадаги буюк давлат сиёсати Германия учун имконият эмас” эканлигини таъкидлади. “Ҳамкорлик етакчилиги – ҳа, гегемонлик хаёллари – йўқ. Биз немислар энди ҳеч қачон ёлғиз ҳаракат қилмаймиз. Бу бизнинг тарихимизнинг ўзгармас сабоқидир”, деб таъкидлади у.