Мбаппе "Реал"га ўтмагани учун афсусда

Килиан Мбаппе "ПСЖ"дан "Реал"га ўтмаганидан афсусда.

Журналист Эду Агирре El Chiringuito телеканалига берган интервьюсида айтганидек, ҳужумчи ўтган ёзги хатти-ҳаракатларидан афсусда ва Мадрид клубига ўтишни интиқлик билан кутмоқда.

Бундан ташқари, Килиан ўз атрофидагиларга унинг "ПСЖ" билан шартномаси расман эълон қилинганидек 2025 йилгача эмас, балки 2024 йилгача мўлжалланганлигини айтди.

Эслатиб ўтамиз, ўтган ёзда Мбаппе "Реал"га эркин агент сифатида ўтиши мумкин эди, бироқ сўнгги лаҳзада у келишувдан бош тортди ва "ПСЖ" билан шартномасини узайтирди.

24 ёшли ҳужумчи жорий мавсумда "ПСЖ" сафида 25 ўйинда 25 гол ва 6 голга ассистентлик қилди.