SpaceX ва Tesla асосчиси, миллиардер Илон Маск 2023 йилда Оқ уйга яширинча ташриф буюриб, расмийлар билан сунъий интеллектни муҳокама қилган.
Бу ҳақда «NBC News» ташриф буюрувчилар қайдларига таяниб маълум қилди, деб ёзади «Репорт» .
Қайд этилишича, Маск 13 сентябрь куни Оқ уйга ташриф буюрган.
АҚШ ҳукумати телеканалга маълумотни тасдиқлади. Бу Маскнинг АҚШ президенти Жозеф Байден давридаги Оқ уйга ягона ташрифи бўлгани ва тадбиркор АҚШ давлат раҳбари билан учрашмагани таъкидланди.
Эслатиб ўтамиз, миллиардер Барак Обама ва Доналд Трамп президентлик даврида Оқ уйга бир неча бор ташриф буюрган.