Машҳур актёр Байденни пойгадан чиқишга чақирди

Машҳур Голливуд актёри, Демократик партия учун маблағ йиғувчи Жорж Клуни Жо Байденни АҚШ президентлиги учун курашдан воз кечишга чақирди, деб хабар беради BBC.

Актёрнинг айтишича, президент ўз фаолияти давомида кўп жойларда ғалаба қозонган, “лекин у юта олмайдиган ягона пойга – вақт, у билан кураша олмайди”.

Клуни New York Times газетасида "буни айтиш даҳшатли" эканини, аммо уч ҳафта олдин маблағ йиғиш маросимида учрашган Жо Байден 2010 йилдаги каби эмаслигини ёзган.

“У ҳатто 2020 йилги Жо Байден ҳам эмас. Бу дебатда ҳаммамиз гувоҳ бўлган одам эди. Партия етакчилари биз, биз кўраётган 51 миллион одам, бошқа одамлар эканимизни айтишни бас қилишлари керак. Бу ёш муаммосидир. Бошқа ҳеч нарса йўқ. Биз ноябрда бу президент билан ғалаба қозона олмаймиз”, — дея қўшимча қилди Клуни.

Актёрнинг сўзларига кўра, унинг мулоҳазалари у билан гаплашган ҳар бир Конгресс аъзосининг хавотирларига мос келади.

Аввалроқ Вакиллар палатасининг собиқ спикери Нэнси Пелоси 81 ёшли Жо Байденнинг Дональд Трамп билан муваффақиятсиз дебатдан сўнг президентлик пойгасида қолиш-қолмаслиги ҳақида қарор қабул қилишга “озгина вақт” қолганини айтганди.

“Мен президент сайловда қатнашиш ёки қатнашмаслик борасида якуний қарор қабул қилишини хоҳлайман. У қандай қарор қабул қилмасин, биз ҳаммамиз уни қўллаб-қувватлаймиз, чунки вақт тугаяпти ", - деди у MSNBC каналидаги Morning Joe дастурида.

Шу билан бирга, амалдаги президентни қўллаб-қувватлашдан тўхтамаганлар орасида Сенатдаги етакчи демократ Чак Шумер, 60 та сиёсатчилардан иборат конгресменлар гуруҳи, Александрия Окасио-Кортес каби илғор вакиллар палатаси аъзолари бор.

Калифорния губернатори Гэвин Ньюсом ҳам Байденни ҳалигача "тўлиқ қўллаб-қувватлашини" айтди.