Марказий Осиё мамлакатлари олий таълим ҳужжатларини ўзаро тан олиш тўғрисида келишувга эришдилар. Бу Қозоғистон ҳукумати томонидан тегишли Битим лойиҳаси маъқулланганидан сўнг маълум бўлди.
Ҳужжатга кўра, «томонлар миллий қонунчиликда белгиланган тартибда аккредитациядан ўтган олий таълим муассасалари томонидан берилган олий таълим муассасаларини тугатганлик тўғрисидаги ҳужжатларни (дипломларни) тан оладилар».
Дипломларни тан олиш ҳужжатларда кўрсатилган малакалар олий таълим тизимининг умумий талабларига жавоб берган тақдирда мумкин бўлади. Тан олиш фақат олий таълим тизими талабларида жиддий номувофиқликлар аниқланган тақдирдагина рад этилиши мумкин.
Ушбу Битимни амалга ошириш мақсадида ҳар бир томон ўз давлатининг ваколатли органларини белгилайди ва бу ҳақда депозитарийга хабар беради, улар эса ўз навбатида барча Томонларни хабардор қилади.
Шунингдек, томонлар олий таълим муассасалари томонидан берилган дипломларни уларда кўрсатилган ўқитиш, мутахассислик ва малака соҳаларига мувофиқ профессионал фаолият билан шуғулланиш, стажировка ўташ ва таълимни давом эттириш ҳуқуқини берувчи ҳужжатлар сифатида тан оладилар.
Сибирдан Орол денгизига сув йўналтирилиши мумкин
"Европага Украинани қўллаб-қувватлаш Россиянинг ғалаба қозонишига йўл қўйишдан кўра анча арзон ва фойдали"
Саудия Исроилга талаб қўйди
