Марказий банк асосий ставкани 14 фоиз даражасида ўзгаришсиз қолдирди

21 октябрь куни Ўзбекистон Республикаси Марказий банки Бошқарувининг йиғилиши ўтказилди.

Унда асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилинди.

Шу билан бирга, "Пул-кредит сиёсатининг 2022 йил ва 2023-2024 йиллар даврига мўлжалланган асосий йўналишларининг дастлабки концептуал лойиҳаси” ҳам кўриб чиқилиб, маъқулланди.

Эслатиб ўтамиз, Марказий банк охирги марта 2021 йил 9 сентябрда асосий ставкани йиллик 14 фоиз даражасида ўзгаришсиз қолдириш тўғрисидаги қарор қабул қилган эди.