Марадонанинг Мессидан устун жиҳати айтилди

«Фиорентина» ва Аргентина терма жамоасининг собиқ ҳужумчиси Габриэль Батистута Лионель Месси ҳамда Диего Марадонани таққослади.

— Рақамларга қарасак, Месси Диегодан анча устун. Аммо характер, истеъдод ва томошабоплик борасида нима дейсиз?

— Рақамлар бўйича Месси аллақачон ва анча олдин Марадонадан ўзиб кетган. Аммо харизма ва томошабоплик ҳақида гапирсак, менда айрим шубҳалар бор.

— Бу жаҳон чемпионати Месси Марадонанинг ҳам устун эканини исботламадими?

— Аввал ҳам айтганимдек, рақамлар бўйича у Марадонадан анча устун. Аммо харизма ва шоу яратиш қобилияти ҳақида гап кетса… Месси анча тартибли ва интизомли инсон. У яхши одам, яхши оиласи бор. Диего эса атрофида содир бўлаётган ҳар қандай воқеани ҳақиқий шоуга айлантира оларди, — деди Батистута Fonbet'нинг YouTube каналига берган интервьюсида.