Маълум бир вақтдан сўнг DOGE фаолиятини тўхтатади, Илон Маск эса ўз ишига қайтади – АҚШ президенти

Доналд Трампнинг таъкидлашича, маълум бир вақтдан сўнг Ҳукумат самарадорлиги департаменти (DOGE) ўз фаолиятини тўхтатади, чунки уни бошқараётган Илон Маск махсус давлат хизматчиси сифатида фақат 130 кун давомида фаолият юритади.

"Маскнинг бошқариши керак бўлган катта компанияси бор ва шунинг учун у маълум бир муддатдан сўнг ўз ишига қайтади. Мен уни қўлимдан келганича олиб қолардим. Маск жуда истеъдодли йигит, мен ақлли одамларни яхши кўраман, у жуда ақлли ва меҳнаткаш инсон", – дея таъкидлади Трамп.

"Маск кетганидан кейин ҳам DOGE фаолиятини давом эттирадими?", деган саволга Трамп федерал агентлик раҳбарлари "кўп нарсани ўрганганига" ишонишини ва баъзилари DOGE ходимларини ўзларида қолдиришни хоҳлашларини айтди.

CNN ҳисоб-китобларига кўоа, март ойининг охирига келиб, DOGE таъсирида федерал агентликлардан камида 121,000 одам ишдан бўшатилган.