Франция президенти Эммануэль Макроннинг Россия билан мулоқотни қайта тиклаш таклифи Париж ва Берлин ўртасидаги муносабатларни кескинлаштирди. Бу ҳақда Германиянинг Der Spiegel нашри хабар берди.
Маълум қилинишича, Германия ҳукумати бу масалада келишмовчиликларни омма олдига чиқармасликни афзал кўрмоқда. Макроннинг Россия президенти билан эҳтимолий музокаралари ҳақидаги саволларга Берлин расмийлари қисқа ва умумий жавоблар билан чекланмоқда.
Нашрга кўра, Макроннинг ташаббуси Германия канцлери Фридрих Мерц билан келишилмаган. Шу боис, очиқ тортишувдан қочиш учун канцлер бу масалани эътиборсиз қолдиришга мажбур.
Шу билан бирга, мақолада таъкидланишича, ҳозирга қадар Макрон ва Владимир Путин ўртасида Украина атрофидаги вазият бўйича телефон мулоқоти бўлмаган, муҳокамалар эса фақат “ўзаро сигналлар” даражасида қолмоқда.
Эслатиб ўтамиз, аввалроқ Financial Times Макронни Германия канцлерини “хiyonat қилиш”да айблаган эди. Нашр Францияни Берлиннинг Россиянинг музлатилган активларини Киевни молиялаштириш учун ишлатиш режасини рад этгани ва қарор қабул қилишдаги “секинлик” учун танқид қилган.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Ўқитувчилар ва тиббиёт ходимларининг ойлиги 2 баравар оширилади
Собиқ мудофаа вазири президент саройига бостириб киришни уюштиргани учун ҳибсга олинди
