Макрон Нью-Йоркда полиция билан тўқнаш келди

Франция президенти Эммануэль Макрон Нью-Йоркда полиция тўсиғи сабабли ҳаракатда қийналди. Бу ҳақда APA хабар берди.

Маълумотларга кўра, Макрон БМТ Бош Ассамблеясида нутқ сўзлаганидан сўнг шаҳарда автомобилда юраётган, аммо АҚШ президенти Дональд Трамп кортежи туфайли кўчалар вақтинчалик ёпилган.

Оммавий ахборот воситаларида тарқалган видеода Макроннинг Трампга қўнғироқ қилиб, “Биласизми, мен ташқарда кутяпман, чунки сиз туфайли ҳамма йўл беркитилган”, дегани эшитилади. Шундан сўнг, Франция раҳбарининг автомобили ҳаракатини давом эттира олмагани ва Макрон пиёда йўлини давом эттиргани акс этган.