Ёзда карьерасининг тугаганлигини эълон қилган ирландиялик жангчи Конор Макгрегор “Twitter” орқали ўзининг навбатдаги жангини ўтказишга тайёрлигини эълон қилди.
Таъкидланишича, Макгрегор америкалик Диего Санчеснинг чорловига рози бўлган.
38 ёшли Санчеснинг айтишича, карьерасидаги сўнгги жангини айнан ирландиялик билан ўтказишга қарор қилган.
Ўз навбатида, Макгрегор февраль ойидаёқ UFC раҳбари Дана Уайт билан ёзишмаларида Дублинда Санчес билан жанг ташкил қилиш ҳақида гаплашганлигини айтмоқда.
Бундан ташқари, маълумотларга кўра, Макгрегор филиппинлик жангчи Мэнни Пакьяо билан ҳам жанг қилишни режалаштирмоқда.
Эслатиб ўтамиз, ирландиялик жангчи июнь ойида спортдаги фаолиятини якунлаганини эълон қилиб, “Ҳей, болалар, мен жанглардан кетишга қарор қилдим. Эсда қоларли хотиралар учун барчангизга раҳмат! Ажойиб саёҳат бўлди!” дея ёзган эди.
Шахмат бўйича жаҳон чемпиони Гарри Каспаров ҳибсга олинди
"Йигит айтади ҳам, қайтади ҳам"
Хави келажаги борасида бир қарорга келди
