Беларус президенти Александр Лукашенко Беларус ҳудудидан Украинадаги позицияларга ракеталар учирилганини тасдиқлади, деб хабар беради 27 февраль куни БелТА.
У янгиланган Конституция бўйича референдумда овоз беришдан сўнг шундай баёнот берди.
Лукашенко «бу мажбурий қадам бўлганини» таъкидлади. Унинг сўзларига кўра, ракета батальонлари Украина томонида, Беларус билан чегарадан бир неча километр узоқликда жойлашган бўлиб, «бир неча дақиқа ичида Россия позицияларига зарба беришга тайёр».
Россиянинг Медуза нашрига кўра, журналистларга берган интервьюсида Лукашенко Украинада Беларуснинг бирорта аскари ҳам, битта жанговар машинаси ҳам, бирорта ҳам беларус ҳомийси йўқлигини таъкидлаган.