Маҳкум аёлларга ОТМда масофадан ўқиш имкони берилади

Президент Шавкат Мирзиёев 8 март муносабати билан ўтказилган тадбирда “Янги ҳаёт” дастури бошланишини маълум қилди.

Унга кўра, жазо ўтаётган аёллар 3–6 ойлик касб ўқув дастурларида таълим олиб, сертификат олади.

Шунингдек, маҳкумалар қамоқхонада имтиҳон топшириб, олийгоҳларга кириш ва масофадан ўқиш имконига эга бўлади.

Контракт асосида ўқишга қабул қилинганларга жазони ўтаб ишга жойлашгандан кейин қайтариш шарти билан фоизсиз ссуда берилади.