МАГАТЭ бош директори Эронга ташриф буюради

Халқаро атом энергияси агентлиги (МАГАТЭ) бош директори Рафаэль Гросси Эронга ташриф буюради.

Бу ҳақда Гросси ва Эрон ташқи ишлар вазири Аббос Арағчи ўртасидаги телефон мулоқоти чоғида келишувга эришилган.

Қайд этилишича, вазир ўз суҳбатдошини ядровий музокаралардаги мавжуд вазият ҳақида маълум қилган.

Арағчи МАГАТЭни Эрон ядровий иншоотларига таҳдидларга қарши аниқ позицияни эгаллашга чақирди.

Томонлар икки томонлама ҳамкорлик масалалари юзасидан ҳам фикр алмашдилар.