Ливан Покистондан уни сулҳга қўшишни сўрамоқда

Ливан бош вазири 250 дан ортиқ одам ҳалок бўлган Исроил зарбаларидан сўнг покистонлик ҳамкасбига мурожаат қилди.

Наваф Салам Шаҳбоз Шарифга мурожаат қилиб, Ливанни АҚШ ва Эрон ўртасидаги ўт очишни тўхтатиш келишувига қўшишга ёрдам беришни сўради. Телефон суҳбати давомида у Исломободдан «ўт очишни тўхтатиш режими Ливанга ҳам татбиқ этилишини тасдиқлашни, кеча кузатилган Исроил зарбаларининг такрорланишини олдини олиш учун» илтимос қилди. Бунга 8 апрель куни Исроил томонидан Ливан ҳудудига берилган авиазарбалар сабаб бўлди — улар натижасида 254 дан ортиқ киши ҳалок бўлган.

Исроил ва АҚШ эса сулҳ Ливанга тааллуқли эмаслигини таъкидламоқда. Тель-Авив «Ҳизбуллоҳ»га қарши операцияларни давом эттиришини билдирди — улар ўртасидаги қарши туриш 2 март куни яна бошланган. Эрон парламенти спикери Муҳаммад Боқир Ғолибоф эса ўз навбатида, Теҳрон Ливанни «сулҳнинг ажралмас қисми» деб ҳисоблашини ва «қаттиқ жавоб чоралари» кўриш ҳуқуқини ўзида сақлаб қолишини айтди.

8 апрель куни, Ормуз бўғози очилиши билан бирга икки ҳафталик сулҳ эълон қилинган куни, Исроилнинг Ливанга зарбалари Эронни яна бўғоз орқали кемалар ҳаракатини тўхтатишга мажбур қилди. Ливанга ҳам сулҳни татбиқ этиш бўйича халқаро босим ортиб бормоқда.