"L-Lizin Essinat" препаратининг фақат битта партияси мусодара қилинган ва у Galichpharm заводида ишлаб чиқарилмаган — “Arterium”

Аввалроқ сайтимизда “L-Lizin Essinat Ineksiya uchun eritma 5 ml” (ишлаб чиқарувчиси JAJ “Galichfarm”) қалбакилаштирилган дори воситаси сотилаётгани ҳақида хабар чоп этилганди.

“Arterium” компанияси бу хабарга муносабат билдирди. Компанияга кўра, маҳсулотнинг фақат битта партияси мусодара қилинган ва у Galichpharm заводида ишлаб чиқарилмаган.

“Arterium” компанияси ихтиёрига Ўзбекистон Республикаси Фармацевтика воситаларини ривожлантириш агентлигидан "L-Lizin Essinat" серияли дори воситаси сотувдан олиб қўйилгани ҳақида хат келиб тушди. Ушбу хатга кўра, яроқлилик муддати 2025 йил ноябргача бўлган 550323 серияси олиб ташланиши керак. Агентлик маълумотларига кўра, ушбу серияни олиб қўйишга экспертиза томонидан тасдиқланган маҳсулотнинг қалбакилаштирилганлиги факти сабаб бўлган.

Айни пайтда "L-Lizin Essinat" препаратини ишлаб чиқарувчи Galichpharm компанияси аллақачон расмий мактуб тақдим этиб, бундай рақамдаги серия ушбу компания томонидан ишлаб чиқарилмагани ҳақида хабар берган”, - дейди “Arterium” матбуот хизмати раҳбари Оксана Стефанова.