«Реал Мадрид» клуби бош мураббийлик вазифасига Массимилиано Аллегри ва Маурисио Почеттино номзодларини кўриб чиқмоқда. Бу ҳақда L’Équipe хабар берди.
Манбага кўра, амалдаги мураббий Альваро Арбелоанинг ҳолати жамоа натижаларининг беқарорлиги сабабли мустаҳкам эмас. Жамоа Чемпионлар лигасидан чиқиб кетгани ва Испания чемпионлиги учун курашда имкониятларни деярли йўқотгани бу қарорга таъсир қилмоқда.
«Реал Мадрид» аллақачон мураббийлар бўйича иш олиб бормоқда. Асосий вариантлардан бири — ҳозирда «Милан»ни бошқараётган Массимилиано Аллегри, шунингдек, айни пайтда АҚШ терма жамоасини бошқараётган Маурисио Почеттино ҳисобланади.
Эслатиб ўтамиз, аввалроқ мадридликлар Дидье Дешам номзодини ҳам кўриб чиққан эди. У 2026 йилги жаҳон чемпионатидан сўнг Франция терма жамоасини тарк этиши кутилмоқда.
Абдуқодир Ҳусановнинг муваффақиятлари ортидан Қозоғистон футболи танқид қилинди
“Реал” юлдузларни жиловлайдиган мураббий топди
Роналду бўлди, футболни тугат!
