Курск йўналишида россияликлар 45 мингга яқин ҳарбийни тўплаган, улар орасида Шимолий Корея ҳам бор

Бу ҳақда УҚК бош қўмондони Сирский маълум қилди.

Украина Қуролли кучлари бош қўмондони Александр Сирскийнинг айтишича, жорий йилнинг май ойида Украина разведкаси Россиянинг Украина шимолида “буфер зона” яратиш учун Курск вилоятидан Суми йўналишида ҳужум қилиш режасини тасдиқлади. Қайд этилишича, бу Россиянинг Харков йўналишидаги операциясининг давоми бўлиши керак.

Айнан шунинг учун, бош қўмондоннинг сўзларига кўра, ҳужум операциясини ўтказиш ва Курск вилоятидаги душман ҳудудига жанговар ҳаракатларни кўчириш тўғрисида қарор қабул қилинди.