“Кўнгиллилар коалицияси” ташқи ишлар вазирлари Украинадаги оташкесимни қандай назорат қилиш бўйича таклифлар тайёрлайди — Франция президенти

Эммануел Макрон Париждаги ааммит иштирокчилар Украина ва унинг армиясини қўллаб-қувватлашда давом этишга келишиб олганини айтди. Шунингдек, у Россияга қарши санкцияларни бекор қилиш вақти келмаганини таъкидлади.

Макроннинг сўзларига кўра, саммитда Россияга ва унинг “соя флоти”га босимни давом эттириш ҳақида қарор қабул қилинган. Шунингдек, ташқи ишлар вазирларига уч ҳафта ичида Украинадаги оташкесимни қандай назорат қилиш мумкинлиги бўйича таклифлар ишлаб чиқиш топширилди.

Бундан ташқари, Макрон француз-британ ҳарбий делегатюцияси Украинага бориб, мамлакат Қуролли кучлари билан келажак учун режалар тузиши ҳақида маълум қилди.

Тинчликпарвар кучлар масаласига тўхталар экан, Макрон улар ҳали шаклланиш босқичида эканлигини билдирди. У яна бир бор тинчликпарварлар тўқнашув чизиғида жойлаштирилмаслигини, балки оташкесимдан кейин "тийиб турувчи куч" сифатида хизмат қилишини таъкидлади.