Мен Тошкент шаҳар Мирзо Улуғбек туманидаги 248-мактабда ишлайман.
Мана бир неча кунки, мактабимизда ҳар бир метод бирлашма маҳорат дарсларини ташкил қилиб бермоқда. Ўқитувчилар ўзаро тажриба алишмоқда. Бу шундай завқли жараёнки, бутун коллективни бирлаштириб боряпти. Бугун ўзим кашф этганим, қувонганим, сезганим бир ҳақиқатни сизларга ҳам айтгим келди.
Бир ҳафтадан бери бўлиб ўтаётган маҳорат дарсларида ва ниҳоят навбат бизга ҳам етиб келди. Дарс жараёнида мактабимиздаги барча устозларнинг қалбан адабиётчи эканликларини ҳис қилдим. Бошқа фан устозлари орасида Навоийдан, Атоийдан, Бобурдан, Умар Ҳайёмдан, Рудакийдан, шунингдек, замонавий шоирлар ижодидан шеър айтиб бераётган устозларни тўхтатиб қолишнинг иложи бўлмади. Энг ажабланарлиси, қувонарлиси мактабимиз раҳбари Зоҳида Алматовнанинг ўзбек адабиётининг ноёб дурдонаси бўлган кўплаб ғазал, рубоийларни ёддан айтиб, устозларга илҳом бағишлагани бўлди.
Алишер Навоий бобомиз ижоди ҳақидаги ноёб маълумотларни адабиёт ўқитувчилариданда кўпроқ биладиган устозларимиз борлигидан фахрландим.
Ҳар бир нарсанинг яхши томони бор, гарчи мактаб болалар билан обод, файзли бўлсада, қисқа танаффуслар жамоаларни бирлаштиришга, ўз устида ишлашга, тажриба орттиришга ундаши билан аҳамиятлидир.
Чўлпон "Адабиёт яшаса, миллат яшайди", деганида нақадар ҳақ эди. Миллат устозлари адабиётни юракларига жо қилган эканлар, бизни ёруғ келажак кутаётганига ишонамиз.
Сизлар билан фахрланаман, мактабимнинг қалби адабиётга ошуфта устозлари.
Феруза Салходжаева
Microsoft битта тасвирдан видео яратадиган янги нейрон тармоқни тақдим қилди
"Google" 10 кунлик энг аниқ об-ҳаво прогнозига эга сунъий интеллектни ишлаб чиқди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
