Кучли қор туфайли кўплаб мактаблар ёпилди

Туркиянинг 48 вилоятида беқарор об-ҳаво туфайли таълим муассасалари ёпилди.

Бу ҳақда маҳаллий ҳокимият мактабларнинг ёпилганини маълум қилди.

Бундан ташқари, 2 январь куни Усмония, Сакаря, Кожаели ва Кония вилоятларининг бир қанча туманлари ҳамда Истанбулнинг Шишли, Сариер ва Бейкоз туманларида мактаблар ёпилади.

Туркияда кучли қор ёғиши бир қатор оғир оқибатларга олиб келди. Диярбакир, Кастамону ва бошқа вилоятларда қор кўчкиси ҳақида огоҳлантириш эълон қилинди.

Артвин вилоятида олти чўпон қор кўчкиси остида қолиб кетди. Уч нафари қутқариб олинди, икки нафари ҳалок бўлди, учинчисини қидириш эса об-ҳаво шароити ёмонлашгани сабабли қолдирилди.