Трампнинг Куба ҳақидаги баёнотидан сўнг Куба делегацияси БМТ залини тарк этди.

АҚШ президенти Дональд Трамп БМТ Бош Ассамблеясидаги нутқи вақтида Куба ҳукуматига кескин баҳо берди. Шундан сўнг Куба делегацияси йиғилиш залини тарк этди.

Трамп Кубани «тўлиқ муваффақиятсиз давлат» деб атаб, мамлакатдаги коммунистик ҳукумат тарихидаги энг кучли босим остида эканини билдирди.

«У қулаши аниқ», — деди Трамп Гаванадаги ҳукумат ҳақида. У, шунингдек, коммунизм АҚШга ҳеч қачон келмаслигини, аммо «эркинлик Кубага келиши»ни таъкидлади.

АҚШ президенти Вашингтон Кубанинг Америка душманлари учун бошпана бўлишига йўл қўймаслигини билдирди. Шунингдек, у Куба ҳукуматини АҚШдаги айрим сўл ва коммунистик ташкилотлар билан кўп йиллардан бери ҳамкорлик қилиб келаётганликда айблади.

Сўнгги ойларда АҚШ Кубага нисбатан бир қатор санкциялар жорий қилди. Бу мамлакатдаги иқтисодий ва энергетик муаммоларни янада оғирлаштирган.

Вашингтон Кубанинг сиёсий ва иқтисодий йўналишини ўзгартиришини ҳамда Хитой ва Россиядан узоқлашишини кутмоқда.